Эрээн хотод "Дэнлүүний баяр" зохион байгуулагдлаа.

2025 оны 02 дугаар сарын 12-ны өдөр буюу шинийн 15-ны өдөр Эрээн хотын Үлэг гүрвэлийн талбайд  Дэнлүүний баярын салютын шоу зохион байгуулагдсан бөгөөд арга хэмжээг Коммунист намын гишүүн, Хотын намын хорооны нарийн бичгийн дарга Ван Санши нээж, Шилийн гол аймгийн улс төрийн зөвлөлдөх хурлын дэд тэргүүлэгч Алидалту, Хотын намын хорооны нарийн бичгийн даргын орлогч, хотын захирагч Ма Хайтао нар үг хэлэв.

Салютын шоу нь тасралтгүй 20 минутын турш үргэлжилж, "Өвөр Монголын дууны аялал, Умард зүгийн аз жаргал", "Үлэг гүрвэлийн төрсөн хот Эрээн хот", "Эрээн хоттой танилц, дэнлүүний баярыг тэмдэглэ" гэсэн гурван бүлэгт хуваагдсан бөгөөд бүлэг бүр дэх салютууд нь өөр өөр хэлбэр, өнгийн зохиомжтой зохион бүтээгдсэн байлаа.

Дэнлүүний баярт Эрээн хотын удирдлагууд, төрийн байгууллагуудын удирдах албан тушаалтнууд, худалдааны танхимын төлөөлөгчид, Монгол улсаас БНХАУ-ын Эрээн хотод суугаа Консулын газрын төлөөлөгчид оролцлоо.